حوار مع شاب عاطل

المذيع : أتعرف بيك

العاطل : شاب زي بقيت شباب مصر .

المذيع : إتخرجت ؟

العاطل :أه أنا خريج تجارة قسم محاسبةوتقديري جيد

المذيع : طيب ما إشتغلتش ليه ؟

العاطل :وهو فين الشغل ؟ هو أنا كنت لقيت وقلت لأ .

المذيع : ازي الكلام ده !!!

هما مش بيقولوا وفرنا فرص عمل للشباب ؟

العاطل : يابيه لما الواحد يشتغل بمرتب 500

جنيه ويبقى عايز يجهز نفسه ويجيب شقه

ويفرشها ولا هياكل ازاي بال500 جنيه هوه

ومراته وعياله هيلبسهم ايه ولا هيدخلهم

مدارس ويعلمهم منين

المذيع : بس فى شباب بيشتغلوا فى مراكز

كويسه ومرتباتهم معقوله .

الشاب : علشان معاهم واسطة .

المذيع : أنا معاك إن فى وسايط ومحسوبات

بس برضه فى اللي قدر يشتغل ويثبت نفسه

طه حسين ونجيب محفوظ وأحمد زويل

والشعراوي ومجدي يعقوب وعمرو خالد وعبد

الحليم وكتيررررررررررر من النماذج المشرفة لا

كان معاهم واسطة ولا ليهم علاقات ونجحوا

علشان آمنوا باللي هما عايزينه ما ستنوش

مساعدة من حد ماستنوش حد يمدلهم يد

المساعدة كل اللي إحتاجوه الإرادة والإصرار

والعزيمة والصبر والتوكل على الله والنجاح ما

بيجيش من يوم وليلة لكن ده الثمرة اللي

بنقطفها بعد ما الحبه تكبر وتنمو وتطرح شجرة

النجاح يبقى إنت كده إشتغلت ونجحت وبقيت

حاجة مستني إيه مستني الحكومة تيجي

تخبط على بابك وتقولك تعالى إشتغل ليه ما

تشغلش إنت نفسك ليه ما تتعلمش حاجه

ويبقى ليك البيزنس الخاص بتاعك بدل ما

تشتغل عند حد ويشغلك 12ساعة فى اليوم

وسوري فى الكلمة "مارماطون "

قدامك حل من الأتنين :-

1- تاخد قرض تمويل الشباب بفايدة

بسيطة وتبدأ بيه مشروعك على شرط إنك

تكون فاهم فى المشروع اللي هتفتحه

وإشتغلت فيه قبل كده وعندك الخبره اللازمة

لإدارته علشان ما تخسرش وتجيلك حالة كآبه

زياده ما إنت مكتئب .

2- تأهل نفسك لسوق العمل إتعلم إنجلش

وكمبيوتر وإتقنهم كويس وإعرض السي في

بتاعك على الشركات وبإذن الله يكون ليك

نصيب .

العاطل : أنا بشكرك قوي وفعلآ أنا هبدأ من

دلوقتي ومش هضيع تاني ولا لحظه من

عمري .

يا رب تكون عجبتكم .......... مصطفى الزهيرى.