حيرتي مع الميلان

انا احترت بجد مع الفريق ده مش عارف هوا فريق بطل ولا زي اي فريق بس انا بعشقه انا ما كنتش اعرف حاجه عن الكوره ولا عمري حبيتها ولا كنت بتفرج عليها بس حبيتها على ايد الميلان شفته فريق صعب وفريق بيلعب ليمتع وفريق لا يقهر وكفايه ان هوا اكتر فريق من حيث الالقاب العالميه بس دلوقتي مش عارف اعمل ايه انا احترت جدا استمر في تشجيعه ولا اشوف فريق تاني الحاله الي وصلها الميلان حاله متاخره جدا بيخسر بكل سهوله من فرق لا يكاد يكون لها تاريخ اصلا دا انا بتفرج على المباريات واانا جنبي كباية الكركديه علطول قولولي انتو المشكله فين هل في المدرب ولا الفريق ولا الثقه الزايده ولا زي ما بيقولو لو كتر الطباخين فسدت الطبخه انا شايف المشكله بصراحه في الدفاع الدفاع عندهم فاشل جدا وشايف مشكله برضه في اعمار اللعيبه الكبيره انا حاسس اني بشجع فريق للعيبة المعاشات بتخيل ان اي لاعب بيطلع عالمعاش بياخدوه في الميلان ولا انتو رايكو ايه قولولي ايه السبب في مستوى الميلان ده فريق فيه كاكا وباتو ورونالدينيو ونيستا وزامبروتا وفلاميني وسيدورف واينزاغي وشيفشينكو وجاتوزوا وديدا ومدربه بحجم انشيلوتي يلعب بالطريقه دي مش قادر اصدق وليه في الديربيات بيلعب كويس وقدام الفرق الصغيره بيخسر بسهوله هل عشان الثقه الزايده ولا ليه هاستنى ردود عشاق الميلان