كريم محسن:تامر حسنى مفيش زيه

هاى يا اجمد ناس فى الدنيا
النهارده وانا بتفرج على قناه الحياه كان برنامج عين عاملين حوار مع المطرب الصاعد كريم محسن وقال احلى كلام على تامر والله كريم يا جماعة شكله حيبقى جامد اوى احيه ديه ناس ألى مبتنساش الجميل
المهم حخش فى الموضوع
المذيعة سألته عن اخباره واشتراكه فى الفيلم عمر وسلمى وعن مشواره الفنى القديم والجديد
كريم رد :انا كنت عملت ديو قبل كدة مع مطرب اسمه شادى اغنيه اسمها يلا مع سلامه وبعد كده قعد فترة طويله من غير عمل وبدأت الحن وكنت محبط جدا علشان مكنتش بشتغل كتير ومفيش ناس عايزة تعرفنى كمطرب المهم انا دلوقتى ماشى كملحن وانا محضر لحن لتامر وسمعتوهوله وعجبه اوى وكان سمع صوتى وعجبه اوى وقالى انت ليه مبتغنيش قلتله انا ماشى كملحن وانا عملت اغنيه واحده قبل كده وبجد انا مجتليش الفرصة انى اغنى المهم تامر قلى انت كده محبط وانا حساعدك وحقف جنبك وفعلا هو حينتجلى اول شريط ليه وحنتعاون فيه مع بعض وكمان الالبوم بتاع تامر انا عامله كذه لحن حوالى 7 الحان وبعد كده قال والله تامر حسنى ده مفيش زيه من الفنانين مفيش حد بيعمل كده فى الزمن ده وكمان قدالى دور فى الفيلم بتاعه بجد تامر انا بحبه اوى وبحترمه اوى وبجد عمرى ما قبلت ناس بالاخلاق ديه ولا التواضع ده وبجد انا بعتبره اخا كبير ليا والاب الروحى فى الفن بجد انا بحبه اوى وبحترمه.
كده يبقى الحوار خلص وبجد يا جماعه انا حسة ان كريم ان شاء الله حيبقى حاجة كويسه اوى وحينجح ما دام تامر وثق فيه بالطريقة ديه واحنا كلنا واثقين كمان فى اختيار تامر بجد والله يا تامر انت مفيش منك اتنين ولا حيبقى .
ربنا يوفقك يا تامر وتفضل تعمل خير كده علطول علشان ربنا يكرمك
وربنا يكرمك ويوفقك يا كريم وان شاء الله حتبقى حاجة جامده اوى.
سمعونى بقى احلى ردود